نصائح الجواز للرجال

0 51

الجواز علاقة انسانية بين اتنين قرروا يحيوا مش بس يعيشو مع بغض يكبرو مع بعض ويفرحوا مع بعض ويتألموا مع بعض.عشان كدة افهم هتناقش معاكو نصائح الجواز للرجال

نصائح الجواز

ماتتجوزش لمجرد إنك خلصت تعليم وجيش واشتغلت وان اوان الجواز بقى.لانك كدة بتعتبر الجواز مجرد قطعة دومينوز بتكمل بيها اللعبة..وهتيجى فى يوم تزهق وتمل وتحب تغير الدور.

ماتتجوزش لمجرد ان سنك كبيرومعظم زمايلك واصدقائك اتجوزوا.الحكاية مش كمالة عدد..الجواز علاقة انسانية مالهاش اى دعوة بالسن.

ما تتجوزش لمجرد إنك عاوز تطفى وهج غريزتك..او تلاقى مخرج لشهوتك..إنت كدة كدة بتشترى وعاء بشرى انثوى,ترمة فيه بعد سوائل جسمك.

ماتتجوزش علشان ابوك زامك قالولك اتجوز او المجتمع قال لك اتجوز انت كدة بتتجوز لحساب ابوك وامك ولحساب المجتمع مش لحساب نفسك والفرق هنا .كبير قوى

وبالمناسبة مافيش حاجة اسمها تتجوز علشان تكمل نص دينك كمالة دينك (كله) هتيجى بعد الجواز كنتيجة لحسن الاختيار وحسن المعاملة وطيب العشرة لكنها ابدا مش مبرر للتسرع والاندفاع وياللانتجوز.

ماتتجوزش وانت عندك تحفظات او ملاحظات على اللى هتتجوزها وتقول انا هغيرها بعد الجواز وتبدا بعد كدة تتأمر عليها وتضغط أعصابها ياتقبلها زى ماهى بكل تفاصيلها يا بلاش تفصل الناس على مقاسك.

ماتتجوزش واحدة صغيرة وتقول انك هتربيها على إيديك (من كتر لفك ودورانك طبعا) الجواز مش تبنى ولاتربية ولا وضع نهاية امنة للصياعة واللف والدوران.

ماتتجوزش وانت ناوى تقعد مراتك من الشغل وتحبسها فى البيت وتقطع عنها الهوا والمياه وتخبيها وتداريها عن الحياة.. ده مايفرقش اى شئ عن وأد البنات فى الجاهلية..ظلم وجور ودفن مابعده دفن.

ماتتجوزش وانت شايف الست أقل منك..او انقصمنك واقل حكمة وحسن تصرف منك.وانها المفروض تركع لك وتؤدى لك فروضالولاء ليل نهار.وانك لازم تكون لها نصف اله.ده مش بيجيب غير التسلط والافتراء زسوء المعاملة..كتير جدا من الستات أحكم وأحسن تصرفا من رجالتهم.

ماتتجوزش لمجرد أنك عاوز تجيب عيال قبل ماتكبر إنت كدة بتستأجر رحم مش بتعاشر بنى ادمة.

ماتتجوزش وفى مخيلتك صورة شهرياراللى قاعد على ريش النعام بيتفرج على التلفزيون ومراته مسحولة فى المطبخ والمواعين والغسيل والتنضيف والعيال طول النهار..

وعاوزها اخر الليل تتحول إلى غانية محترفة وتوفر له كل وسائل المتعة..بعدها يلف وشه الناحية التانية وينام.

ما تتجوزش لمجرد ان فلانة عجبك جسمها وفلانة عجبك شكلها زفلانة تقاسيمها حلوة خسارة تضيع منك.

ما تبقاش عامل زى الصياد النرجسى الانانى اللى بيقتنص الفريسة اللى تعجبه وبعد ما يمتلكها يموتها ويدور على غيرها.

ماتجوزش وبعدين تحس انك اتخطفت بدرى وانك لسة ماعشتش شبابك و ان مراتك مش كفاية..فتفتح الاشارة الخضرا لكل المعجبات والمطاردات وبنات عائلات محترمة وتقول انا راجل ومن حقى اعمل اللى انا عايزه.

الجواز قرار محتاج وعى ومحتاج مسئولية مششروة وبيعة ونكتشف بعد ما يتقفل الباب علينا.

أقرا ايضا

ما هى علاقة الزواج

اترك رد

لن يتم نشر عنوان بريدك الإلكتروني.

يستخدم هذا الموقع ملفات تعريف الارتباط لتحسين تجربتك. سنفترض أنك موافق على ذلك ، ولكن يمكنك إلغاء الاشتراك إذا كنت ترغب في ذلك. قبول قراءة المزيد